تقدیم ائلیرم تمام آنالارا 

...........................

چاره سیز، خسته لرین، دردینه درمان آنادی 
دفتر عشق و وفا، مشقینه پایان آنادی 
سینه سی دشت بلا، آتش بحراندا یانار 
سارالان یازگولی تک، تشنه باران آنادی 
هر بلا درده دوزر، شرط محبتده اوزی 
گر مصیبت داغ اولا، صبریده طوفان آنادی 
عشق پروانه سی تک، شمع ائولاده گئنه 
یاندیران بال و پرین، عاشق گریان آنادی 
آی دئسون اوخشاری وار، اولدوزاچوخ بنزری وار 
گونی خجلتده قویان، دُرّ بدخشان آنادی 
اوکی هر صبحه کیمی، یاتمادی غمنن گئجه لر 
سنه لای لای اوخیان، بلبل نالان آنادی 
شاهلیقن شیوه سی وار، مَسندی مین لشگری وار 
تاج و تختسیز جاهانا، سرور وسالار آنادی.
تقدیم بوتون انالارا

نظرات شما عزیزان:

تانیش

ساعت10:46---27 فروردين 1394

یاشا آقای حسنی گوزل شعرلریوه گوره مین تشکورلر ائدیرم سیزدن کی قویمورسیز آنا دیلیمیزین چیراغی سونا انشاالله گلجکده ده سیزین شعرلریزدن ده تام استفاده نی آپاراجاییق .

نام :

آدرس ایمیل:

وب سایت/بلاگ :

متن پیام:

نظر خصوصی

 کد را وارد نمایید:

 

 

 

عکس شما

آپلود عکس دلخواه: